Illuminar

總歸之就是講，從之今朝之往後，我會得立該此個博客里相，也順道便寫眼上海閒話之物事。學堂里相個事體也好，生活高頭事體也好，要想之辦法尋眼物事寫。無啥之別個原因，就當是之對自家個母語個記錄。不管下趟之個只語言會得繼續發展還是會得慢慢交無得人講，多多少少要留眼物事下來。現在因爲教育啦，包括之政策高頭個因素，交關人儕覺着吳語只好講而弗好寫，有個辰光索噶寫白字，根本就弗曉得吳語也有自家個正字，覅去講啥寫了。望之看到個朋友，弗管是吳語個同胞，還是別個地區個同裘，儕多傷心傷心自家個母語，覅讓之噶豐富個文化，最後儕變成之博物館里個錄音喔。

當然之，因爲我本身是鄉下人，寫出來個物事總歸會得有眼土閒話進去個，幫之正宗個、上只角個上海閒話板有眼區別個，假使讀起來像之有眼格里格搭，弗要奇怪，只不過是讀着土閒話啦。